Пентагон призна дека во Сирија нема 900, туку 2.000 американски војници

Прес секретарот на Пентагон, генерал-мајор Пет Рајдер, открива дека во Сирија се распоредени „приближно 2.000 американски војници“.

Таа бројка е повеќе од двојно поголема од претходно јавно објавените 900 американски војници во Сирија.

Според Рајдер, „дополнителните 1.100 лица се сметаат за „привремени ротациони сили“ – често на мисија од 30 до 90 дена – кои се распоредени за да ги исполнат барањата за флуидна мисија во областа на американската Централна команда на одговорност“.

Во меѓувреме, останатите 900 припадници на маериканската армија се сметаат за „основни средства“ кои се на подолгорочни распоредувања кои вообичаено траат приближно од девет до 12 месеци.