Најмалку 30 Палестинци, меѓу кои пет члена на едно семејство, се убиени во израелски напади денеска во Газа

Најмалку 30 Палестинци се убиени во израелските воени операции од утрово, објавува Ал Џезира.

Во еден напад, пет члена на едно семејство се убиени во северозападниот дел од градот Газа, додека 13 лица се примени во болницата Ал-Шифа со сериозни повреди.

Гладни луѓе се собрале околу центрите за дистрибуција на храна во Рафа или во коридорот Нецарим.

Тринаесет лица биле убиени додека барале помош.

Нецарим е изграден од израелските сили на местото на некогашната палестинска населба со огромно земјоделско земјиште.

Сега е поле од урнатини за израелскиот „безбедносен коридор“, објавува Ал Џезира.