Македонски
Францускиот претседател Емануел Макрон, изјави дека лидерите на околу 30 земји од т.н. „коалиција на подготвените“, кои ѝ ветија на Украина безбедносна поддршка кога ќе се постигне мировен договор со Русија, ќе се состанат следната недела за да разговараат за предлозите што ги изнеле нивните армии,.
Началниците на нашите генералштабови завршија многу важна работа од состанокот во Вашингтон, а во последните неколку часа повторно ни овозможија да ги финализираме придонесите на секоја од земјите, изјави Макрон на заедничката прес-конференција со германскиот канцелар Фридрих Мерц во Тулон.
Според Макрон, нов состанок, на кој некои лидери ќе присуствуваат лично, а други онлајн, ќе се одржи за да се разговара за работата на началниците на генералштабовите во последните неколку дена.
