Мајката на Британец во украинските сили: Го пратија во самоубиствена мисија па го оставија да скапува на ничија земја

20-годишниот Британец Колби Долман, кој се борел во рамки на украинските сили, загинал за време на обидот на украинските вооружени сили да го вратат под контрола местото Мали Шчербаки во регионот Запорожје.

Според британскиот „Дејли меил“, мајката на момчето, Тара Бенфорд, ги обвинува украинските команданти за смртта на својот син, поради тоа што го испратиле неискусниот британски борец на „самоубиствена мисија“, а потоа „го оставиле неговото тело да скапува на ничија земја“.

Во својата татковина, Долман работел како столар во градот Клиторпс. Немал воено искуство, а пристигнал во Украина во март минатата година.

Мајката на Колби вели дека тој и неколку негови соборци биле оставени да скапуваат на бојното поле отако загинале.

Не добивме никаква помош од украинските власти. Тие беа среќни што ја примија помошта на Колби кога се пријави на обука и се бореше за нив затоа што сакаше да го промени светот. И ова е тоа што го доби како благодарност“, се жали мајката на Долман.