Македонски
Шефот на кабинет на украинскиот претседател Володимир Зеленски, Андриј Јермак, порача дека Украина се уште не е подготвена за преговори со Русија за ставање крај на војната, поради недостигот на оружје и јасни гаранции „дека рускиот претседател Владимир Путин нема повторно да нападне за две до три години“.
Затоа денес разговараме со нашите партнери зошто е толку важно да се зајакне Украина. Генерално, треба да го скршиме рускиот наратив дека Украина сака војна, посочи Јермак во интервју за Суспилне.
Тој наведе дека Украина не сака конфликт и „на ниту еден начин не ја испровоцирала Русија“.
Русија не дојде овде да заштити никого, бидејќи не е во состојба да ја заштити ниту својата територија, рече Јермак.
Според него, „важно за рускиот претседател е да продолжи со агресијата врз Украина“.
Значи, за да се отпочнат преговорите, Украина мора да биде силна и тогаш ќе може да разговара со Руската Федерација под еднакви услови. Затоа што сè што моментално доаѓа од Кремљ е јазик на ултиматуми, рече Јермак.
