Македонски
Блерант Рамадани е кандидатот за градоначалник на Општина Сарај од Национална алијанса за интеграција (НАИ). Рамадани е дел од крилото на Алијанса на Албанците на Арбен Таравари, кој ја објави неговата кандидатура преку соопштение до медиумите.
Во време кога политиката често се гледа како поле на празни ветувања, Блерант Рамадани носи сосема нов дух, оној на знаењето, меѓународното искуство и модерното лидерство засновано на конкретни резултати. Неговата приказна е онаа за која многу Албанци сонувале: обичен дечко од Сарај, кој со талент и неуморна работа достигнува врвови во светската наука и сега се враќа за да ѝ ja врати на својата општина достоинството и развојот што ja заслужува, се наведува во соопштението на Таравари.
Тој посчува дека Рамадани е докторанд по електроинженерство на УКИМ, со десетици научни трудови кои денес се користат како референца од меѓународни експерти.
Денес, како асистент професор на Универзитетот „Мајка Тереза“, Блерант Рамадани не само што продолжува по патот на науката, туку и ги обликува лидерите и инженерите на иднината, вложувајќи го своето знаење во новата генерација Албанци. Со импресивна меѓународна кариера, тој го претставувал своето земја во проекти на НАСА, бил обучуван од НАТО, учествувал на Светскиот форум за демократија во Стразбур, и е алумни на престижната програма ACYPL – Американски совет за млади политички лидери во Вашингтон, како и дел од Балканските лидери и Школата за политички политики. Неговото искуство и меѓународната мрежа се драгоцен капитал што Блерант сака да го стави во служба на општина Сарај, наведува Таравари во објавата на кандидатурата на Рамадани за Сарај.
