Анкета на „Локално.мк“: Граѓаните на Скопје незадоволни од актуелната градоначалничка, измерени и рејтинзите на потенцијалните кандидати за Скопје

Според неодамнешната анкета од интернет порталот „Локално.мк“, спроведена во периодот од 25 до 29 јануари 2025 година, жителите на Скопје изразуваат значително незадоволство од работата на актуелната градоначалничка Данела Арсовска.

Истражувањето, кое опфати 1.150 испитаници преку телефонско анкетирање, покажа дека 77% од граѓаните ја оценуваат нејзината работа како „слаба“ или „многу слаба“, додека 68% „воопшто немаат доверба“ дека таа ќе ги реши главните проблеми на градот.

Во однос на потенцијалните кандидати за нов градоначалник, 18% од испитаниците го поддржуваат Златко Перински, по што следуваат Коце Трајановски со 16,5%, Орце Ѓорѓиевски со 14% и Петре Шилегов со 11,5%.

Останатите кандидати, како Висар Ганиу, Бобан Стефковски и Ѓорѓи Галетановски, добија помала поддршка. Анкетата, исто така ги идентификуваше најгорливите проблеми со кои се соочува Скопје.

Загадувањето на воздухот и јавниот превоз се на врвот на листата приоритети кои граѓаните очекуваат да се решат, додека сообраќајниот хаос и степенот на јавна хигиена, исто така предизвикуваат значително незадоволство. Ова истражување укажува на потребата од итни мерки за подобрување на квалитетот на живот во главниот град, како и на потенцијални промени во локалното раководство