Средба Мицкоски – Пленковиќ во Њујорк, теми европската перспектива, унапредувањето на добрососедските односи и регионалната соработка

Фото: Христијан Мицкоски/ Фејсбук

Македонскиот премиер Христијан Мицкоски во Њујорк, каде заедно со делегацијата што ја предводи присуствува на Генералното собрание на ОН и треба да учествува на состанокот на лидерите на Европската Унија и Западен Балкан, имаше средба со хрватскиот премиер Андреј Пленковиќ.

-Остварив средба со хрватскиот премиер, Андреј Пленковиќ на која разговаравме за европската перспектива, унапредувањето на добрососедските односи, регионалната соработка и важноста од продолжување на реформските процеси согласно европските стандарди, напиша Мицкоски на својот „Фејсбук“ профил.

Продолжуваме, со отворен и конструктивен дијалог со нашите европски партнери, во насока на градење посилна, стабилна и просперитетна иднина за граѓаните, додава премиерот Мицкоски во објавата.