Марјан Даскаловски поднесе оставка од претседател на Општинската организација на СДСМ во Струмица

Претседателот на Општинската организација на СДСМ во Струмица, Марјан Даскаловски, попладнево објави дека поднел оставка од партиската функција и ја доставил до лидерот Венко Филипче. Одлуката, како што пишува Даскаловски во објава на Фејсбук, е донесена со мирна совест и чисто срце, водена пред сè од лични причини.

„Изминатиот период беше исполнет со многу работа, заеднички победи, но и предизвици со кои се соочувавме секогаш со крената глава и со мисла за доброто на Струмица. Чест ми беше да ја предводам Организацијата и да работам со луѓе кои искрено го сакаат својот град. На идниот претседател и на новото раководство им посакувам многу успех, мудрост и нова енергија во водењето на партијата на локално ниво“,пишува Даскаловски во објавата на Фејсбук, заблагодарувајќи им се на сите соработници, членови, симпатизери и активисти на СДСМ за поддршката и укажаната доверба.

Дескаловски вели дека останува достапен како пријател и поддржувач со своето искуство и знаење да помогне секогаш и секаде кога ќе биде потребно.