Македонски
Во поткастот „ВМРО-ДПМНЕ Зборува“ гостуваше министерката за образование Весна Јаневска која дискутираше за реформите и промените во образованието во изминатиот период.
На самиот почеток Јаневска објасни дека се изградени нови училишта, спортски сали, донесени се нови седум законски решенија, меѓу кои во план се вклучувањето на вештини преку разни форми на образование кои ќе одговараат на пазарот на трудот со цел по завршувањето на образованието младите да останат во државата.
Изградивме околу седум нови објекти, околу 20-тина се во реконструкција, продолжуваме да градиме спортски сали, донесовме седум нови законски решенија, во план се неколку закони за да го потсредиме и високото образование бидејќи сегашните закони се недоискажани, неусогласени. Работиме истовремено на сите нив и сосема сме при крај. Да вклучиме вештини на студентите преку разни форми на образование кои ќе одговараат на пазарот на труд, што значи и средношколците и студентите кои ќе го завршат своето образование да можат да се најдат на пазарот на труд, да не мора да бараат работа во странство или подобри услови за работа во странство – истакна Јаневска.
Министерката потенцираше дека платите во основното, средното и високото образование се покачени и тоа во високото околу 14%, во средното околу 12% но со потпишана спогодба дека за четири години ќе добијат покачување од 60%.
Она што е исклучително многу значајно, наставниците добија покачување на платата и во основното, средното и во високото образование, во високото околу 14%, во основното и средното повеќе од 12% но со потпишана спогодба дека во овие четири години ќе добијат покачување на платата од 60% – рече Јаневска.
Јаневска наброи дел од проектите за студентите и потенцираше дека проширен е опсегот за конкурирање за постдипломски студии, проширен е опсегот за студентски оброк, два студентски дома се очекува да бидат готови а третиот започнува со реновирање.
Студентите добија погодности во нивните студирања, излеговме во пресрет на нивните барања, го проширивме опсегот на оние кои можат да конкурираат за постдипломски студии, скративме некои процедури, го проширивме опсегот за студентски оброк, веќе кажавте дека два дома годинава очекуваме да бидат завршени, почнуваме со третиот дом. Сме направиле многу нешта за кои јас и понатаму верувам дека не се доволно, но ќе продолжиме со исто темпо и резултатот ќе биде значајно видлив во иднина – децидна е Јаневска.
