Македонски
Македонскиот режисер, сценарист и продуцент Дарко Митревски денеска во фоајето на Македонскиот народен театар ќе одржи средба со претставниците на медиумите насловена „А што е следеќе?“.
Наместо класична прес-конференција, се наведува во најавата, средбата е замислена како непосреден разговор со Митревски и можност за изјави и интервјуа. По речиси две децении поминати во Лос Анѓелес, Митревски е повторно во Скопје, каде што ќе ги најави своите планови за идните филмски проекти поврзани со неговото враќање на македонската филмска сцена.
На пошироката јавност Митревски и е познат како автор на филмовите: легендарната црна комедија „Балканкан“ со продадени 150.000 кино влезници и 20.000 ДВД копии, како и фудбалскиот еп „Трето полувреме“ кој во кино салите низ Македонија го видоа над 90.000 гледачи. Исто така е автор и на популарните ТВ серии „Уа, шнајдери!“ и „Досие Скопје“, како и креатор на низа музички видеа од златното време на македонската поп и рок музика.
