Од денеска на Малата сцена во Националната опера и балет ќе се одржат „Денови на македонски кореографи”

Национална опера и балет

Од 22 до 25 април на Малата сцена во Националната опера и балет ќе се одржат „Денови на македонски кореографи”, во чии рамки ќе бидат изведени пет претстави и една изложба.

Во првата вечер на „Денови на македонски кореографи” на 22 април ќе се прикажат две претстави „Мокументари“ од Андријана Данчевска и „Ехо на баронот“ од Дејан Битровски.

Во втората вечер на 23 април ќе може да се проследи претставата „Болеро“ на Саша Ефтимова. Но, и во Фоајето на Националната опера и балет ќе биде прикажана изложбата на слики „Вечни тела“ од Искра Шукорова. 

На 24 април ќе биде прикажана претставата „Д како Дездемона“ од кореографката Рисима Рисимкин. 

А на затворањето на 25 април „Денови на македонски кореографи” ќе се изведе претставата „Патување“ од турскиот кореограф Чан Арслан. Оваа претстава се спремала во НОБ со македонски балетски уметници  и пред околу еден недела ја имаше премиерата во Анкара.