„Ехото на акробатите“ на Владимир Јанковски е книга за месец април во Градската библиотека „Браќа Миладиновци“

Фејсбук

Во кампањата „Читаме современи македонски автори“ април го посветуваме на книгата на Јанковски – добитник на наградата „Пегаз“ за најдобар необјавен роман за 2024 година, што ја доделува „Арс Ламина“, соопштија од Градската библиотека „Браќа Миладиновци“.

Романот „Ехото на акробатите“ повеќе е граматика на љубовта, отколку што е љубовна приказна. Не напуштајќи ја својата препознатлива раскажувачка поетика базирана на љубовта со сите нејзини убави лица и грди опачини, Јанковски овојпат подлабоко загребува и во општеството и во семејните односи. Ехото на акробатите е скршена семејна фотографија со татко во центарот и деца расфрлани по периферијата, наративна сложувалка со 100 глави и недоброј значенски опашки. Со мајсторски минимализам и кристално избрусен стил, Јанковски филмски ја измонтирал приказната за тагата и празнината, за успехот и неуспехот, за подемот и падот на едно семесјтво… со досетливи, длабоки и незаборавни кадри и резови – се вели во поговорот за книгата.

„Ехото на акробатите“ е достапна во сите библиотеки од мрежата на ГБСК, а разговорот со авторот Јанковски е закажан за 4 април