Македонски
Македонскиот режисер, сценарист и продуцент Дарко Митревски, по речиси две децении поминати во Лос Анѓелес, повторно е во Скопје и најавува враќање на македонската филмска сцена.
Во вторник, 22 септември, во 12 часот, во фоајето на Македонскиот народен театар, Митревски ќе одржи неформална коктел-средба со медиумите под наслов „А што е следеќе?“, на која ќе зборува за своите идни филмски проекти и плановите по враќањето во Македонија.
Насловот на средбата, не е граматичка или печатна грешка, туку реплика од неговиот (засега) последен филм.
По речиси две децении поминати во Лос Анѓелес, Митревски е повторно во Скопје, а средбата со медиумите е можност за непосреден разговор со него – за неговите идни филмски проекти и најава за враќање на македонската филмска сцена.
На пошироката јавност Митревски и е познат како автор на легендарната црна комедија „Балканкан„ со продадени 150.000 кино влезници и 20.000 ДВД копии, како и фудбалскиот еп „Трето полувреме„ кој во кино салите низ Македонија го видоа над 90.000 гледачи. Исто така е автор и на популарните ТВ серии „Уа, шнајдери!“ и „Досие Скопје“, како и креатор на низа музички видеа од златното време на македонската поп и рок музика.
