Скопјанец се обидел да влезе на Табановце со лажен дипломатски пасош – ќе одговара кривично

Скопјанец доби кривична пријава откако летото на граничниот премин Табановце, лажно се претставил како дипломат и приложил фалсификувана дипломатска патна исправа.

Како што се наведува во полицискиот билтен, Регионалниот центар за гранични работи Север поднесе кривична пријава против С.С.(59) од Скопје поради постоење основи на сомнение за сторени кривични дела „фалсификување исправа’’ и „лажно претставување“.

На 25.07.2025 на Граничен премин Табановце, на влез во државата, управувајќи патничко возило „фолксваген голф’’, пријавениот се претставил како дипломат и приложил фалсификувана дипломатска патна исправа.