Пожарникар со итна помош пренесен во болница по интервенција на пожар

Немало пожари на отворено во последното деноноќие, освен интервенцијата за догасување на градската депонија кај Демир Хисар, а пожарникарите паралелно гаснеле и други пожари во населени места и сите биле изгаснати, соопштија денеска од Центарот за управување со кризи.

При интервенција во населено место на еден од велешките пожарникари му се слошило по што е згрижен со итна медицинска помош.

Конкретно, Регионалниот центар за управување со кризи (РЦУК) Велес, ја пренесува информацијата од ТППЕ Велес, дека од 20.52 до 22.45 часот, со 2 ПП возила и 6 пожарникари интервенирале на запалена штала и дел од кров во с. Башино Село. При интервенцијата на еден од пожарникарите му се слошило за што е однесен со итна медицинска помош на Општа болница во Велес, соопштија од ЦУК.