Иран негира дека добил некаква понуда од САД за нуклеарниот договор

akbar-nemati-on-unsplash

Иранскиот министер за надворешни работи, Абас Арагчи, изјав дека Иран не добил никакви писмени предлози од Соединетите Американски Држави во врска со евентуален нуклеарен договор.

Изјавата на Арагчи дојде неколку часа откако американскиот претседател Доналд Трамп изјави дека Иран има понуда.

Нема предлози – ниту дадени директно ниту индиректно. Секогаш го поздравуваме дијалогот заснован на меѓусебно почитување и секогаш отфрламе секаков диктат, напиша иранскиот министер на платформата „Х“.

Шефот на иранската дипломатија додаде дека не постои сценарио во кое Иран би се откажал од тешко стекнатото право да збогатува ураниум за мирни цели.