Ракометарите со победа во последната проверка пред СП

Машката ракометна репрезентација на Македонија ги заврши подготовките за настапот на Светското првенство (СП) кое се игра овој јануари со победа.

Нашиот национален тим во последниот контролен дуел победи против Зеленортски Острови со резултат 27-26. На полувреме резултатот беше 14-15. Селекторот Лазаров им даде шанса на сите ракометари и тимот се воигруваше за планетарниот собир.

Пред овој меч со Зеленортски Острови, Македонија славеше над хрватскиот клуб Сесвете, српските Нови Београд и Динамо Панчево, а доживеа порази од репрезентациите на Србија и Хрватска.