Македонски
Новиот светски шампион во Формула 1, возачот на Мерцедес, Кими Антонели, изјави пред претстојната трка за Големата награда (ГН) на Бразил дека сака да ја заврши сезоната на најдобар начин.
Минатиот викенд, Антонели заврши трет на Големата награда на Мексико и во својата втора сезона стана најмладиот шампион во историјата на Формула 1.
„Многу сум возбуден што сум тука. Ова е добра можност, пред сè, да се обидам да ја завршам сезоната на најдобар начин, но исто така имам чувство дека подготовките за 2027 година веќе почнуваат. Важно е да ја завршам сезоната добро и моќно, за да добијам самодоверба и да бидам подготвен да се соочам со 2027 година“, рече Антонели пред неделната трка за ГН на Бразил.
Антонели во вторникот го посети имотот на семејството на Аиртон Сена и седна во еден од автомобилите Лотус што легендарниот трикратен светски шампион ги возеше во текот на 80-те години од минатиот век.
Новиот светски првак на трката в недела на патеката Интерлагос ќе вози со специјално дизајнирана кацига во чест на Сена.
