Македонски
Белоруската тенисерка Арина Сабаленка ќе игра во полуфиналето на Грен слемот во Париз. Таа денес во четвртфиналето на Ролан Гарос во два сета ја победи Женг Чинвен од Кина – 7:6 (7:3) и 6:3.
Во меч што траеше два часа, светскиот женски рекет број еден сервираше шест пати асови, направи две двојни грешки и реализира четири брејк топки од вкупно шест шанси.
Кинеската тенисерка која го зазема 7. место на светската ранг-листа, имаше пет аса, исто толку двојни сервис грешки и две конвертирани брејк топки од две можности.
За пласман во финалето на Отвореното првенство на Франција, Сабаленка ќе ги одмери силите со победничката од мечот меѓу Украинката Елина Свитолина и Ига Швјонтек од Полска.
„Ролан Гарос“ 2025 се игра за вкупен награден фонд 56.4 милиони евра.
