Харден смета дека во Кливленд ќе има повеќе успех

Ветеранот во НБА-лигата,  Џејмс Харден го објасни своето заминување од Клиперс. 

Триесет и шестгодишниот кошаркар беше разменет во Кливленд за плејмејкерот Дариус Гарланд и избор во втората рунда на драфтот.

– Не сакав да ја загрозам иднината на Клиперс. Им треба шанса правилно да се обноват и да добијат право на драфтот. Го гледам Кливленд како можност за победа на Истокот. Тие имаат одличен тим, тренерски персонал и сè друго. Колку и да сакам да останам во Лос Анџелес и да продолжам да се обидувам, сметам дека моите шанси се подобри во Кливленд, изјави Харден за „ESPN“.

Харден играше во 44 натпревари од регуларната сезона на НБА оваа сезона, со просек од 25,4 поени, 4,8 скока и 8,1 асистенции.