Македонски
Фудбалерот на Барселона, Рафиња, изјави дека не размислува да го напушти каталонскиот клуб и се надева дека ќе ја заврши кариерата на „Кампр ноу“.
Бразилецот игра за „Блауграна“ од 2022 година, договорот му важи до 30 јуни 2028 година.
-Ќе си заминам само ако тренерот каже дека не смета на мене. Се надевам дека ќе ја завршам кариерата тука без да се преселам во друг тим, рече Рафиња во интервју за RAC 1.
Тој, исто така, призна дека добил понуди од Саудиска Арабија во 2024 година и бил блиску до прифаќање.
-Тоа ќе ги променеше животите на многумина во моето семејство. Износите беа многу примамливи, додаде тој.
Со Барселона, 29-годишниот Рафиња освои три шпански првенства, Купот на кралот и три шпански Суперкупа. Тој одигра 184 натпревари за каталонскиот тим во сите натпреварувања, постигнувајќи 86 гола и 62 асистенции.
