Oткако се ожени Роналдо најави крај на кариерата

Португалскиот фудбалер Кристијано Роналдо во интервју за списанието „Вог“ откри дека крајот на неговата кариера е многу блиску.

Роналдо, кој неодамна се ожени, рече дека најверојатно е во последната година од својата кариера.

„Ова е веројатно мојата последна година во фудбалот и сакам да оставам спектакуларно наследство“, рече Роналдо.

Неговата порака особено наиде на резонанца кај фудбалските фанови бидејќи Роналдо сè уште игра на високо ниво, но е јасно дека крајот на неговата кариера се ближи.

Засега, тој не го прецизираше точниот момент кога ќе се збогува со фудбалот, но со зборовите за „веројатно последната година“, даде многу јасна нота за прв пат дека тој момент се ближи.

Роналдо објави на почетокот на јули дека завршил со учеството на Светското првенство.

Португалецот е свесен дека напуштањето на фудбалот ќе претставува огромна промена во неговиот живот, со оглед на тоа што практично целиот свој живот го посветил на овој спорт.

„Фудбалот ќе остави голема празнина, па затоа мора да го поминете времето на различни начини“, рече Португалецот.