Македонски
Филмот „Ниедна друга земја“ денеска ќе биде прикажан во дансинг салата на МКЦ со почеток во 19 часот. Станува збор за проекција во рамките на Зимски МакеДокс.
Басел Адра, млад палестински активист од Масафер Јата, уште од детството се бори против масовното протерување на неговата заедница од страна на израелските окупатори. Басел го документира постепеното бришење на Масафер Јата додека војниците уништуваат семејства и нивните домови – најголемиот присилен трансфер во историјата на окупираниот Западен Брег. Патиштата на Адра се вкрстуваат со оние на израелскиот новинар Јувал, кој му се приклучува во борбата и тие заедно се борат против прогонот и се зближуваат. Нивната сложена врска е во сенка на екстремната нееднаквост која ги раздвојува: Басел, кој живее под брутална воена окупација и Јувал, кој е слободен и неограничен. Овој филм, направен од здружен палестинско-израелски колектив од четворица млади активисти, е снимен во најмрачните и најзастрашувачки времиња во регионот и претставува чин на креативен отпор кон Апартхејдот и потрага по патот кон еднаквоста и правдата.
Режија: Basel Adra, Hamdan Ballal, Yuval Abraham, Rachel Szor
Сценарио: Basel Adra, Hamdan Ballal, Yuval Abraham, Rachel Szor
Камера: Rachel Szor
Монтажа: Basel Adra, Hamdan Ballal, Yuval Abraham, Rachel Szor
Звук: Bård Harazi Farbu
Музика: Julius Pollux Rothlaender
Продукција: Fabien Greenberg, Bård Kjøge Rønning, Basel Adra, Hamdan Ballal, Yuval Abraham, Rachel Szor
Фестивали и награди:
Best Documentary Feature – Academy Awards, USA (2025), Best Documentary Award – Palm Springs IFF, USA (2025), Audience Award in the Grand Angle Competition – Visions du Réel, Switzerland (2024), Panorama Audience Award (Documentary) – Berlin IFF, Germany (2024), Toronto IFF, Canada (2024), Audience Award – CPH:DOX, Denmark (2024), NPO Doc Audience Award – IDFA, Netherlands (2024)
