Македонски
Филмот „Мајки“ по сценарио и режија на Милчо Манчевски, ќе биде прикажан вечер во 19 часот во киното „Синеплекс“ во Скопје. Филмот е продуциран во 2010 година. Две деветгодишни девојчиња пријавуваат „манијак“ во полиција, тројца филмаџии пристигнуваат во напуштено село, а фикцијата постепено се претвора во документарност. Влезот е бесплатен.
Улогите ги толкуваат: Ана Стојановска, Владимир Јачев, Димитар Ѓоргиевски, Ратка Радмановиќ, Салаетин Билал, Гоце Влахов, Диме Илиев, Благоја Спиркоски-Џумерко, Борис Чоревски, Петар Мирчевски, Марина Поп Панкова и Билјана Беличанец.
Продуцент е Кристина Калас, директор на фотографија е Владимир Самоиловски. Сценографијата е на Дејвид Манс, монтажата – Жаклина Стојчевска. Музиката е на Игор Василев Новоградска.
