Полициска акција во Ѓорче Петров, пронајдена поголема количина дрога

На 01.10.2025 година, од страна на Единицата за недозволена трговија при СВР Скопје по претходна судска наредба извршени се претреси на три локации на подрачјето на Ѓорче Петров.

Во акцијата е лишен од слобода Д.Б.(24) од Скопје затоа што при извршен претрес во неговиот дом се пронајдени и одземени кокаин, марихуана и пари, информира МВР.

По целосно документирање на случајот поднесена е кривична пријава по брза постапка до ОЈО Скопје за сторено кривично дело по чл.215 од КЗ на РСМ.