Македонски
Финските медиуми објавија дека член на парламентот наводно извршил самоубиство во зградата на парламентот во Хелсинки. Според локалните извештаи, лицето починало во зградата на парламентот во Хелсинки денеск околу 11 часот наутро.
Службениците потврдија само една смрт, додека медиумските извештаи велат дека пратеникот си го одзел животот. Полицијата, која истражува, не се сомнева во нечесна игра. Болничарите се исто така на местото на настанот.
Финскиот радиодифузер „Yle“ објави дека најмалку едно амбулантно возило, едно противпожарно возило и два полициски автомобили биле видени во зградата на парламентот.
– Амбулантно возило поминало покрај зградата на парламентот со вклучени сирени. Потоа пристигнало големо противпожарно возило, полициско возило и, со мало задоцнување, оклопен полициски Мерцедес – рече очевидец.
Дел од финските медиуми го знаат индентитетот на пратеникот кој извршил самоубиство во Парламентот, но засега името не се открива додека не бидат контактирани роднините на починатиот.
– Спасувачките служби, полицијата и амбулантните возила моментално се на местото на настанот. Во овој момент не можам да кажам ништо повеќе. Не можам да коментирам за одговорот на службите за итни случаи. Парламентот е специфично место, па може да се претпостави дека вакви ситуации биле разгледувани додека ситуацијата сè уште била нејасна – рече директорот на полицијата Аро Тоивонен, кој не ги потврди ниту негираше медиумските наводи.
