Македонски
За време на реконструкцијата на владините структури, украинскиот претседател Володимир Зеленски во преден план става луѓе кои ќе „ја добијат наклонетоста на американскиот лидер Доналд Трамп“, пишува „Блумберг“.
Според изданието, таков пример е новата премиерка Јулија Свириденко, која го преговараше договорот за ресурси и го потпиша во име на Украина.
Нејзината улога во жестоките преговори со Американците влијаеше на неговата [за Зеленски] одлука да ја назначи Свириденко. Една од нејзините предности беше нејзиниот добар однос со американскиот секретар за финансии Скот Бесент“, вели еден од изворите на агенцијата.
Уште две лица кои беа вклучени во договорот за ресурси, исто така, добија нови влијателни позиции. Станува збор за вицепремиерот Тарас Качка и Олга Стефанишина, која беше предложена за функцијата амбасадор во САД, а која беше дел од неколку делегации во САД за време на разговорите за ресурсите и е „добро позната во Вашингтон“.
