Светот ќе здивне, Кина и САД се договорија за царините

САД и Кина се согласија да ги намалат тарифите едни на други, бидејќи се обидуваат да стават крај на нивната трговска војна.

Говорејќи по разговорите со кинеските претставници во Женева, американскиот секретар за финансии Скот Бесент им рече на новинарите дека двете страни постигнале договор за 90-дневна пауза на мерките.

Американскиот трговски претставник Џејмисон Грир рече дека реципрочните царини сега се по 10 отсто.

На двете страни беа наметнати тарифи, даноци за увоз, над 100%.