Македонски
Денес во просториите на НУБ беше одржана работна средба на директорите на:
НУ – НУБ ,,Св. Климент Охридски ” – Скопје,
НУ – УБ ,,Гоце Делчев” – Штип, НУ – Библиотека ,,Григор Прличев” – Охрид,
ЈУ – ГБ ,,Браќа Миладиновци ” – Скопје,
ЈОУ – Библиотека ,,Ванчо Прке” – Виница,
ОНБ ,,Браќа Миладиновци” – Радовиш,
ЈЛБ ,,Илинден” – Делчево,
ОУМБ ,,Кочо Рацин” – Пехчево,
ЛБ ,,Гоце Делчев” – Велес,
ЛУБ ,,Благој Јанков Мучето” – Струмица,
ЈОУ- ГБ ,,Борка Талески” – Прилеп и
ЈОУБ ,,Феткин” – Кавадарци.
На средбата беше разговарано на повеќе теми, меѓу кои најактуелни беа дигитализацијата и заштитата на фондот, евиденција на библиотечниот фонд, проблеми од областа на работните односи како и за остручување и усовршување на вработените во библиотеките.
Се утврди неопходна итна потреба да се реализираат повеќе обуки и работилници на разни теми со цел да се подобри квалитетот на кадарот и услугите кои ги нудат библиотеките.
Се започна со официјални преговори за создавање на национална дигитална платформа и согласно тоа забрзана дигитализација и многу повеќе онлајн достапни дигитални објекти за целата јавност и за нашите корисници.
Ви најавуваме мноштво заеднички проекти кои веруваме дека ќе побудат голем интерес за целата јавност и подобрување на целокупниот библиотечен систем на државата.
Библиотеките се традиционални чувари на пишаниот збор и ризници на неисцрпни знаења, но неопходно е да ги следат новите модерни предизвици и побарувања на своите корисници, затоа следете не, ве очекуваат многу новитети наскоро.
