Македонски
Студеното време што денеска ја зафати земјава ќе трае до утре, а веќе од понеделник се најавува променливо, но потопло време. Температурите ќе бидат во постепен пораст и над просекот за овој период од годината.
Ќе дува умерен до засилен, а од среда повремено силен ветер од јужен правец (над 60 km/h), особено во западните делови.
Утре се очекува променливо облачно време со сончеви периоди и услови за утринска магла. Попладне и кон крајот на денот ќе има повремени локални врнежи од дожд.
