Пеце Ристевски назначен за в.д директор на штипскиот Центар за култура „Ацо Шопов“

МИА

Актерот од Народниот театар Штип (НТШ), Пеце Ристески е назначен за  в.д директор на Националната установa Центар за култура „Ацо Шопов“ во Штип.

Ристески дипломирал во 2003 година на Националната Академија за Театар и Филм „Крсто Сарафов“ – Софија. На штипската и македонската јавност е познат по  многубројните улоги кои ги има играно во театарските претстави на НТШ.

Тој доаѓа на местото на Филип Стевановски, кој загина во несреќата во дискотеката „Пулс“ во Кочани, како член на групата ДНК. Стевановски функцијата директор ја извршуваше неполни два месеца.