Македонски
Државниот инспекторат за животна середина утврди дека нема цијанид во водата на Крива река во Паланка. Ова денеска го соопшти директорката на инспекторатот, Ивана Гиновска на прес конференција.
Претходно градоначалникот на Крива Паланка, Сашко Митовски, тврдеше дека водата во Крива Река е сериозно загадена и спаѓа во најлошата категорија на загадени води, неупотреблива за било која намена. Тој тврдеше дека резултатите од анализата на водата покажала дека Крива река е полна со тешки метали, вклучително олово и цијанид.
Гиновска изјави дека Митовски не ги објавил прецизно толкуваните резултати од својата анализа, по инцидентот што се случи на 14 март.
Иако Гиновска потврди дека инспекторите не реагирале навремено, таа истакна дека поради тоа самата морала да преземе иницијативи. Митовски, од друга страна, рече дека ќе бара кривична одговорност и истакна дека во водата е пронајдена десет пати поголема концентрација на олово и стотици пати повеќе цијанид, азот и фосфор.
„Екоцид“ не може да се докаже со земање еден литар вода од едно место. Цијанидот над дозволеното не е присутен, а за ширење паника постои кривична одговорност,“ нагласи Гиновска.
Таа додаде дека ќе ги достави сите анализи до Јавното обвинителство во Куманово, кое веќе отвори случај по пукнувањето на цевката во рудникот Тораница, во сопственост на концесионерот „Булмак“.
„Работам на зголемување на капацитетите на инспекторатот, вклучувајќи повеќе инспектори и обуки за справување со сериозни ситуации. Планираме и набавка на современи инструменти за мострирање,“ рече таа.
ВМРО-ДПМНЕ запраша дали сега ќе има кривична пријава за градоначалникот на Крива Паланка, Сашко Митовски, кадар на СДСМ поради свесно ширење паника и правење политички поени.
Повторно се докажа дека СДС шири лажни вести и ја манипулира јавноста.
Државниот инспекторат за животна средина утврди дека цијанид во водите на Крива река, нема.
Градоначалникот на Крива Паланка од редовите на СДС, Сашко Митовски, велеше дека за 100 пати над дозволеното имало цијанид во водите на Крива река. За овие изнесени лаги и ширење на паника меѓу сограѓаните, кривично се одговара.
Митовски за политички поени во пресрет на локалните избори, свесно ширел паника и невистини во Крива Паланка. Сепак, за среќа на жителите на Крива Паланка, но и на граѓаните на Македонија, цијанид во Крива река нема над дозволеното.
Митовски треба кривично да одговара за свесно ширење на паника со цел собирање на политички поени – запрашаа од ВМРО-ДПМНЕ.
И кој ќе им ја надомести штетата на паланечките земјоделци, чии раноградинарски производи нема кој да им ги купи.
