Македонски
„На се’ ќе дојде крај“ на Рајко Грлиќ вечерва ќе ја затвори ревијата кога МФФ Киненова го реализираше во хуманитарни цели. Сретствата од продадените билети се наменети за семејствата на настраданите во трагичната несреќа во Кочани. Проекцијата ќе се одржи во 20 часот во киното „Киноверзум“ во Кисела Вода.
Филмот е копродукција меѓу Хрватска, Македонија, Србија, Црна Гора, Босна и Херцеговина, Турција, Бугарија.
Макс Пинтер е успешен адвокат од Загреб, кој успева да ги отфрли обвиненијата против неговиот клиент за двојно убиство, богатиот и моќен бизнисмен Динко Хорват. На прославата, Макс е пијан и му кажува на Динко дека ладнокрвно ги убил работниците, кои дошле да прашаат за своите плати. Соочувањето со еден од столбовите на општеството го прави Макс непожелна личност, тој ги губи својот партнер и клиентите, а неговата сопруга го напушта. Со својата девојка од универзитетските денови, Нина, започнува мисија за одмазда. Од друга страна, никој во оваа приказна не е целосно невин и сите се тесно поврзани.
Улогите ги толкуваат: Jелена Ѓокиќ, Живко Аночиќ, Борис Исаковиќ, Јанко Поповиќ Волариќ, Емир Хаџихафисбеговиќ, Ксенија Маринковиќ, Марина Реџеповиќ, Петре Арсовски.
Анте Томиќ и Рајко Грлиќ направиле една современа драма политички трилер според романот на Мирослав Крлежа „На работ на умот“ . Тој бил всушност претекст за филмот „На се ќе му дојде крај“. Ликовите се доста добро дефинирани и интересни.
Рајко неколку пати ме повика да соработуваме. Израснав со неговите филмови и ми е драго што тој се држи до градот, до тој некој граѓански слој кој сега веќе е сокриен. Кога го гледав во кино „Устав на Република Хрватска“ на проекцијата сретнав луѓе за кои не знаев дека се уште живеат во градот. Тое се негои фини луѓе од различни генерации кои повеќе не излегуваат ниту на претстави, ниту на концерти. Од една страна тоа за мене е тажно, но и среќен сум што тие луѓе постојат. И многу ми е драго што постои Рајко на чии филмови може да го видиш граѓанството. И кога ме повика на аудиција, меѓу две сцени седнавме на кафе и разговаравме со Живо Аночиќ, а Рајко тајно не прислушкувал што зборуваме и ни рече: Е ова го сакам!. Така двајцата ги добивме улогите. Улогата е прекрасна, Рајко ми дозволи да внесам некои мои ситници, убаво е со него да се соработува, ги сака актерите, убаво ги води и им дава слобода, раскажа актерот Поповиќ Волариќ, на минатогодишното издание на фестивалот Киненова кога токму со овој филм се затвори фестивалот..
Рајко Грлиќ е роден 1947 година во Загреб. Тој е еден од најзначајните режисери во поранешна Југославија. По распадот на истата живее на релација Хрвaтска – Америка. Во новиот милениум продолжи да снима провокативни филмови, а меѓу позначајните кои се закитиле со фестивалски награди се: „Караула“ (2006), „Нека остане меѓу нас“ (2010) и „Устав на Република Хрватска“ (2016).
