Непозната супстанца пронајдена кај резервоарите за вода во Гази Баба

Од Јавното комунално претпријатие Гази Баба во СВР Скопје било пријавено дека од 22.00 часот на 08.03.2025 до 07.00 часот на 10.03.2025 во Булачани, населението и вработените забележале дека водата има променета боја и миризба.

По извршени проверки од Јавното комунално претпријатие Гази Баба, било констатирано дека во водоводниот систем во делот после изворот и пред резервоарите за вода била вметната непозната супстанца.

Од СВР Скопје велат дека се преземаат мерки за расчистување на случајот.