Уапсен малолетник кој по автопат возел 203 километри на час

Црногорската сообраќајна полиција уапси малолетник (17) од Подгорица кој возел автомобил со брзина од 203 километри на час на автопатот „Принцеза Ксенија“, на делот од патот каде максималната дозволена брзина е 100 километри на час, објави ЦДМ. Како што соопштија од Полициската управа, малолетникот е изведен пред надлежниот судија за прекршоци во присуство на неговите родители. На истиот автопат е уапсен и М.Д. од Бијело Поље, кој возел со брзина од 194 километри на час.