Македонски
Издавачката куќа „Или-Или“ го објави новиот роман од Снежана Младеновска Анѓелков насловен „Јод“, како 231 издание во популарната едиција „ПРОаЗА“.
Младеновска Анѓелков за својата прва книжевна објава „Единаесет жени“ ја доби престижната награда „Роман на годината “ на „Утрински весник“ за 2011 година.
По „Молчи со отворена уста“ и „Луѓето, а не градот“, Младеновска Анѓелков со новата книга продолжува да ја чекори книжевната патека која веќе десетина години успешно ја трасира до нејзините верни читатели. „Јод“, дефинитивно, нема да ве разочара, туку напротив, ќе отвори нови прозорци за промислување и дебатирање за актуелни теми, што е и целта на добрата литература.
