Македонски
МЗТ Скопје Аеродром во сабота го има првиот официјален натпревар во новата сезона, а против Куманово ќе се бори за трофејот во Суперкупот „Драган Василов Цевка 2026“. Средбата во спортската сала во Куманово е закажана за 18:00 часот.
Капитенот Дамјан Стојановски верува дека МЗТ ќе мора да биде на потребното ниво уште од првата минута, при што енергијата и одбраната ги издвојува како важни фактори за исходот на натпреварот.
„Новата сезона, во која имаме голем број на обврски, ја започнуваме овој викенд со натпреварот од Суперкупот. Полека се подготвуваме за тоа и мислам дека сè ќе зависи од нас. Од нашата енергија, пред сè, и од играта во одбраната. Мислам дека ќе се прикажеме во добро светло и дека ќе победиме“, вели капитенот на МЗТ Скопје Аеродром.
