Македонски
Имајќи го предвид наведеното, како и фактот дека оддалеченоста од општина Врапчиште до општина Гостивар е само пет километри, сметаме дека жителите на општина Врапчиште сите услуги за лични документи соодветно ги добиваат во Одделот за управни работи Гостивар. Ова е и писмениот одговор од Министерството за внатрешни работи, како и одговорот на ресорниот министер Панчо Тошковски од собраниската говорница на поставеното прашање од пратеникот Сали Мурати.
Министерот за внатрешни работи, Тошковски истакна дека за жителите од општина Врапчиште кои се болни или неподвижни Министерството за внатрешни работи има поставено на располагање мобилна станица и екипа за фотографирање на овие лица во нивните домови.
Вашиот акт бил од 23.4.2025, одговорот е од 26.5.2025, примен во Собрание.Така што, чисто како укажување, да сме целосно доследни во рамки на фактичката состојба. Дали доколку има услови, променети околности, капацитативност, потреба итн. да одговориме и на жителите на општина Врапчиште, а сме во можност да го направиме тоа, не гледам зошто да не го направиме во иднина кога би имало услови за да го направиме тоа, рече Тошковски.
Министерот за внатрешни работи, Тошковски посочи дека оваа Влада на ВМРО-ДПМНЕ, како и Министерството за внатрешни работи овозможија на седум помали општини на територија на Македонија да можат да ги користат услугите на Министерството за внатрешни работи.
За вашите партнери беше незамисливо во нивно време да го направат тоа, и секако дека во иднина сме фокусирани таму каде што се исполнети условите и за сите помали општини согласно капацитети, согласно расположливи можности, да отвараме управни служби и на други помали општини. Сега, засега, условите со капацитетите во однос на општина Врапчиште, имајќи ги предвид сите наведени околности се тие што се, а за истото веќе сме ви одговориле најмалку еднаш, вели Тошковски.
МИА
