Македонски
Жупанискиот суд во Сплит испрати во истражен затвор државјанин на Авганистан, додека неговиот малолетен брат е сместен во дом, откако биле откриени на сплитскиот аеродром со фалсификувани документи кои гласеле на имињата Кнез Трпимир и Крал Ладислав, пренесуваат денеска хрватските медиуми.
Нивните лични карти веднаш им биле сомнителни на службениците на аеродромот, а по проверката се покажало дека сомнежот бил оправдан, пренесува Н1.
Постариот Авганистанец бил изведен пред истражен судија, кој поради опасност од бегство му одредил истражен притвор, додека неговиот помлад брат бил сместен во Домот за воспитување деца и млади на Брдите, пренесува Хина.
Утврдено е дека фалсификуваните лични карти им биле доставени на Авганистанците во Атина, како и дека од Грција пристигнале во Хрватска за да можат да продолжат кон Германија.
Извор: МКД.мк
