Македонски
Туристите кои летуваат во Пефкохори да обрнат посебно внимание на своите работи, предупредува членка на групата „Грчка инфо“, која го сподели своето горко искуство од плажата на „Фејсбук“.
Како што наведе во објавата, две жени ѝ биле сомнителни бидејќи претходно ги меркале работите на сите посетители на плажата, а потоа една од нив се приближила до нивните работи и почнала да ги крева.
Една од нив се преправаше дека ѝ ја нема блузата, па почна да ги крева нашите работи. Ја прашав што прави, таа рече дека си ја бара изгубената блуза, напиша членката на групата „Грчка инфо“.
Според неа, сомнителната ситуација продолжила кога жената наводно ја пронашла својата блуза кај другат жена, по што двете се скарале, но потоа си заминале заедно.
Авторката на објавата навела дека станува збор за две жени за кои верува дека се Германки, но не презентирала никакви докази за да потврди дека се обиделе да украдат работи. Сепак, таа апелираше до туристите во Пефкохори да не ги оставаат своите работи без надзор, особено додека се во вода или подалеку од работи.
