Едно лице загинало во сообраќајка на експресниот пат Ранковце – Крива Паланка

Возилото излетало од патот и се превртело во близина на клучката на експресниот пат кај Крива Паланка.

Според информациите од СВР Куманово, незгодата се случила в петок околу 14 часот, кога и било пријавено во ОВР Крива Паланка.

На 24.01.2025 во 14 часот во Одделот за внатрешни работи Крива Паланка било пријавено дека на експресен пат Куманово – Крива Паланка се случила сообраќајна незгода во која патничко моторно возило “фолксваген голф” со кривопаланечки регистарски ознаки управувано од Б.С. излетало од патот. Во незгодата, осумдесетгодишниот сопатник Б.П. починал на лице место, додека со повреди се здобиле возачот и сопатникот М.П., информира портпаролот на Сектор за внатрешни работи Куманово, Ивана Младеновска.