Македонски
Фудбалерите на Брегалница ја постигнаа втората победа во првенството откако на домашен терен го совлада Башкими со 3:0.
Брегалница поведе со голот на Иван Глигоров во 22.минута, а воедно тоа беше резултат и на полувремето. На 2:0 зголеми Давид Калпачки во 56.минута, а конечните 3:0 ги постави повторно Глигоров што беше втор гол на натпреварот во 73.минута.
На првиот дуел од 4.коло Скопје и Тиквеш одиграа 1:1.
Утре се игра дуелот Шкендија Арачиново и Арсими (почеток 16:30 часот).
Колото ќе биде комплетирано во понеделник со натпреварите меѓу Вардар и Силекс (почеток 17 часот) и Шкендија Тетово – Струга Трим Лум (почеток 19 часот).
