Мицкоски во Вашингтон на вечера со Девин Нунес, близок соработник на Трамп, како и бизнисмените Битов, Галина и Павловски

Претседателот на македонската влада Христијан Мицкоски, кој деновиве е во САД и ќе присуствува на инаугуарацијата на американскиот претседател Доналд Трамп, во Вашингтон имаше вечера и одлична средба со Девин Нунес, претседавач со советодавното тело за разузнавање на претседателот Доналд Трамп и извршен директор на Трамп медиумската корпорација, Џон Битов – американски бизнисмен со македонско потекло, сопственик на повеќе мултимилионски компани, Марко Галина бизнисмен и одговорен за МАГА во Португалија и Крис Павловски сопственик на Рамбл групацијата.

Разговаравме за можноста за инвестиции во Македонија, за конкретни проекти од бенефит за граѓаните. Меѓу другото ги посочив напорите кои Владата ги дава за стабилизирање на економијата, рекордот кој го остваривме во привлекување на инвестиции во државата и поволностите кои се нудат. Воедно ја искористив можноста за лобирање за македонските интереси и позиции во однос на клучните прашања за нас. Станува збор за високо позиционирани луѓе во американското општество со можност за влијание на прашањата важни за нас, соопшти Мицкоски.