Позната состојбата на повредените градежни работници во Кисела Вода

Министерството за здравство во врска со несреќата на градилиште во Кисела Вода, информира дека во Ургентниот центар се транспортирани тројца повредени градежни работници.

Двајца од работниците се со полесни телесни повреди и контузии, во тек се дијагностички процедури. Кај едниот од нив веднаш е санирана повреда на лактот, а третиот пациент е со скршеници на двете потколеници и една натколеница, информираат од Министерството.

Се следи здравствената состојба на повредените лица и продолжува нивниот медицински третман.