Македонски
На 94-годишна возраст почина Том Скерит, едно од најпрепознатливите лица на американската кинематографија и телевизија, најпознат по улогите во филмските класици како „Топ ган“ (Top Gun), „Осмиот патник“ (Alien) и „Челични магнолии“ (Steel Magnolias), како и во наградуваната серија „Picket Fences“, пишува Page Six.
Семејството на актерот потврдило веста за магазинот People. Скерит починал во средата од природна смрт, а семејството во изјавата за јавноста вели дека се длабоко потресени и со скршени срца поради неговото заминување.
Иако светот го познаваше преку неговата извонредна актерска кариера, ние ќе го паметиме по неговиот хумор, љубопитност, мудрост, великодушност и љубовта што ја внесуваше во нашите животи“, порачаа членовите на семејството, нагласувајќи ја неговата страст кон раскажувањето приказни, уметноста, природата, како и неговата несебична помош на другите и поддршката за воените ветерани.
Семејството се заблагодари на колегите, пријателите и обожавателите за изразите на сочувство, замолувајќи за приватност во моментите на тагување и најавувајќи дека деталите за комеморацијата ќе бидат објавени дополнително.
Зад себе ја остави сопругата Џули, со која беше во брак од 1998 година, петте деца – Енди, Ерин, Мет, Колин и Емико, како и пет внуци и две правнуци.
Роден во Детроит во 1933 година, Скерит пред актерската кариера отслужил четиригодишен воен рок во Американското воено воздухопловство (USAF) од 1951 до 1955 година.
На големите екрани првпат се појави во 1962 година во воената драма „War Hunt“, но вистинскиот кариерен подем го доживеа во 1970 година во култната сатира „MASH“* на режисерот Роберт Алтман, каде го заневесуваше капетанот Августус Бедфорд „Диук“ Форест.
Во текот на својата богата повеќедецениска кариера нанижа низа антологиски улоги. Ќе остане запаметен како за commander Артур Далас во научно-фантастичниот хорор „Осмиот патник“ (Alien, 1979) на Ридли Скот, шерифот Џорџ Банерман во „Мртва зона“ (The Dead Zone, 1983), комодорот Мајк „Вајпер“ Меткалф во акциониот мегахит „Топ ган“ (Top Gun, 1986), Драм Итентон во „Челични магнолии“ (Steel Magnolias, 1989), велечесниот Меклеин во драмата „Таму тече река“ (A River Runs Through It, 1992) во режија на Роберт Редфорд и советникот за национална безбедност Дејвид Драмлин во „Контакт“ (Contact, 1997), заклучува Page Six.
