Дончиќ постигна 44 поени, Лејкерси ја совладаа Индијана

Тимот на Лос Анџелес лејкерс ја победи Индијана во домашен натпревар од регуларната сезона на НБА со 128:117.

Словенецот Лука Дончиќ беше најзаслужен за победата на домаќините со постигнати 44 поени, девет скока и пет асистенции.

Лејкерси имаат скор од 38-25 (победи-порази) оваа сезона и се шести на табелата во Западната конференција.

Индијана го претрпе осмиот пораз по ред и е на дното на табелата во Источната конференција. Тимот има само 15 победи досега во сезоната.