Македонски
Нашиот реномиран композитор, музичар и театарски автор Сашко Костов е номиниран за престижната награда ИКАР 2026 во категоријата авторска музика, што претставува големо признание за неговиот придонес во сценската уметност и музичката креација. Во својата објава на Инстаграм, Костов со радост го најави ова признание, истакнувајќи ја соработката со Драмскиот театар од Пловдив и изразувајќи благодарност за меѓусебната љубов и професионалност што го одбележуваат нивниот творечки однос.
Сашко Костов е еден од најинтересните музички артисти од нашата сцена – композитор, мулти-инструменталист и продуцент кој повеќе од две децении создава музика со комплексност, оригиналност и емоционална длабочина. Неговата работа опфаќа соло проекти, како и музика за театарски претстави, каде неговите композиции придонесуваат за создавање целосен емоционален и драмски ефект.
Во својата кариера, Костов има соработувано со бројни музички имиња и групи, а неговите проекти го носат низ театарски сцени, концерти и фестивали ширум регионот и Европа. Номинацијата за ИКАР 2026, едни од највисоките признанија во областа на сценските уметности во регионот, е потврда за значењето на неговата работа и влијанието што неговите композиции го имаат врз театарот и музиката.
