Македонски
Украинскиот претседател Володимир Зеленски пристигна во одморалиштето Мар-а-Лаго во Флорида, каде што оствари средба со американскиот претседател Доналд Трамп.
Пред почетокот на разговорите, Трамп изјави дека постои реална основа за постигнување мировен договор и дека двете страни имаат интерес војната да заврши. Тој посочи дека токму тоа е фокусот на разговорите со украинската делегација.
Американскиот тим, предводен од Трамп, и украинската делегација, на чело со Зеленски, ги започнаа разговорите околу мировниот план што го предлага американскиот претседател.
На новинарите им беше дозволено кратко присуство во просторијата каде што се одржуваше билатералната средба. Зеленски и членовите на неговиот тим седеа спроти Трамп и американската делегација, во која учествуваа државниот секретар Марко Рубио, началникот на Генералштабот на Белата куќа Сузи Вајлс, претседателот на Здружениот комитет на началниците генерал Ден Кејн, како и Џаред Кушнер, Стив Виткоф и заменик-началникот на Генералштабот Стивен Милер.
Секоја можност за дополнителни новинарски прашања беше брзо прекината кога Трамп ѝ наложи на советничката за комуникации Марго Мартин да ги замоли медиумските екипи да ја напуштат просторијата.
Засега останува нејасно дали Трамп и Зеленски по завршувањето на средбата ќе дадат изјави за јавноста.
