Македонски
Папата Лав Четиринаесетти денеска го почна вториот ден од престојот во Турција со посета на Сината џамија во Истанбул.
Ватикан соопшти дека папата ќе одржи „кратка тивка молитва“ за време на посетата на Сината џамија. Тој за време на посетата е придружуван од раководителот на Дирекцијата за верски прашања на Турција, Дијанет, кој му ја покажа високата купола на објектот со сини плочки, пренесуваат светските ахгенции.
Папата Лав Четиринаесетти ги следеше чекорите на своите претходници, кои ја посетиле џамијата во знак на почит кон муслиманското мнозинство во Турција.
Ова е прва негова посета на некоја странска земја, а по Турција, ќе отпатува во Бејрут. Папата Лав Четиринаесетти ја избра Турција како своја прва дестинација надвор од Италија за да ја одбележи 1.700-годишнината од Никејскиот собор.
